Alitaptap sa Tanghaling Tapat

Ako ay nabigla sa aking namalas

Kakaiba sa pangkaraniwan at madalas

Mahirap ipaliwanag o sadya nga bang kakaiba

Guniguni ba o kababalaghan talaga?

-0-

Kahit saan ako tumingin, sa tao man o sa dingding

Lutang na lutang ang taglay nilang ningning

Nakakabighani ang kanilang mga kislap

Parang mga bituin sa likod ng mga ulap.

-0-

Para akong dinuduyan sa taglay nilang ganda

Nakaka adik, sobrang nakakahalina

Unti-unti akong lumulutang sa alapaap

Kakaibang ligaya, kakaibang sarap.

-0- 

Sa kawalan ng kamalayan, muntik na akong matumba

Buti na lang nakabawi at mabilis na naibalik ang porma

Aking napagtanto na ang mga alitaptap sa tanghaling tapat

Epekto pala ng gutom, ang tyan ko sa pagkain ay salat.

-0-

-0- 

Gutom lang yan!!! hehe